Ye Kehti Thi Ghar Ghar Me Ja Kar Haleema by Alhaj Siddique Ismail

Ye Kehti Thi Ghar Ghar Me Ja Kar Haleema

Mere Ghar Me KHainrul Wara Aa Gaye Hain

Bade Auj Par Hain Mera Ab Muqaddar

Mere Ghar Rasool E Khuda Aa Gaye Hain

Uthi Charsu Rehmato Ki Ghataye

Mu-attar Mu-attar Hain Sari Fazae

Khushi Me Ye Jibreel Nagme Sunaye

Wo Sha-faye Rouze Jaza Aa Gaye Hain

Ye Zulmat Se Kehdo Andhere Uthale

Ke Hain Har Taraf Ab Ujale Ujale

Kaha Jinko Haq Ne Sirajammuneera

Mere Ghar Wo Noor E Khuda Aa Gaye Hain

Ye Sunkar Sakhee Apka Astana

Hain Daman Pasare Hue Sab Zamana

Nawaso Ka Sadqa Nigah E Karam Ho

Tere Dar Pe Tere Gada Aa Gaye Hain

Mukarrab Hain Be-Shaq Khaleelo Najee Bhi

Badi Shan Wale Kaleemo Maseeh Bhi

Liye Arsh Ne Jinke Qadmo Ke Bouse

Wo Ummi Laqab Mustafa Aa Gaye Hain

Khuda Ke Karam Se Nakirain Aa Kar

Kahenge Ziyarat Ka Muzdah Suna Kar

Utho Behre Ta’azeem Noorul Hasan Ab

Lahad Me Rasool E Khuda Aa Gaye Hain