Madinay ka safar hey aur mein nam-didah nam-dida by Alhaj Siddique Ismail

Madinay ka safar hey aur mein nam-didah nam-dida
Jabin afsurdah afsurda, qadam laghzidah laghzida

Chala hoon aik mujram ki tarah mein janab e Tayyaba
Nazar sharmindah sharminda, zuban laghzida laghzidah

Kisi key haath ney muj ko sahara dey dia warna
Kahan mein aur kahan ye rastay paychida paychida

Kahan mein aur kahan iss Roza e Aqdas ka nazzara
Nazar iss simat uthti hey magar waz-didah waz-dida

Madinay ja k hum samjay taqaddus kis ko kehtay hein
Hawa pakiza pakiza, fiza sanjidah sanjida

Basarat kho gai laikan baseerat tou salamat hey
Madina hum ney daikha hey magar na-dida na-dida

Wohi Iqbal jis ko naz tha kal khush mizaji per
Firaq e Tayyaba mein rehta hey ab ranjidah ranjida