Na kaleem ka tasawwur, Na khayaal-e-tur-e-sinaa. By Alhaj Khursheed Ahmed

Na kaleem ka tasawwur, Na khayaal-e-tur-e-sinaa.
Meri aarzu Muhammad, Meri justuju Madinah.

Main gadaae Mustafa hun, Meri azmatein nah poocho.
Mujhe dekh kar jahannam, Ko bhi aa geya paseenah.

Mujhe dushmano nah chedo, Mera hai koi jahaan main.
Main abhi pukaar lunga, Nahi dur hai Madinah.

Main mareez-e-Mustafa hun, Mujhe chedo na tabibo.
Meri zindagi jo chaaho, Mujhe le chalo Madinah.

Meray dubne main baqi, Na koi kasar rahi thi.
Kahaa “almadad Muhammad”, toh ubhar gayaa safinah.

Siva iske mere dil mein, koi aarzu nahin hai.
Mujhe maut bhi jo aaye, tho ho saamne Madinah.

Kabhi aye Shakeel dil se, na mite khayaal-e-Ahmad.
Isi aarazu mein marna, isi aarazu mein jeena.

Na kaleem ka tasawwur, na khayaal-e-tur-e-sinaa.
Meri aarzu Muhammad, meri justuju Madinah.