Mangte Hain Karam Un Ka Sada Maang Rahay Hein by Alhaj Siddique Ismail

Mangte Hain Karam Un Ka Sada Maang Rahay Hein

Din Raat Madinay Ki Dua Maang Rahay Hein

Mangte Hain Unke Mangte Hein

 

Husn Pay Jin Ke Jag Matwala

Naam Hai Jin Ka Kamli Wala

Hum Un K Mangte Hain Mangte Hain

 

Sanad Joh Rakhtay Hein

Mehshar Mein Mo Dikhanay Ki

Hum Un K Mangte Hein

 

Naaz Jiss Baat Pay Hai

Woh Baat Yeah He Hai Ke

Hum Un Ke Mangte Hein Mangte Hein

 

Hum Hein Ghulaam

Un Ki Ghulami Pay Naaz Hai

Mangte Hein Un K Mangte Hein

 

Dozakh Nai Hum Ko Daikh Ke

Malik Say Kaha Ay Malik Chor

Un Ke Mangte Hein Un Ke Mangte Hein

 

Nigaah-e-Karam Say Hum Ko Na Daikh

Ay Dozakh Kia Pata Nahi Ke

Hum Kiss Ke Mangte Hein Mangte Hein

 

Ay Daikhnay Waloon Hamein Hans Hans Ke Na Daikho

Kia Pata Nahi Ke Hum Kiss Ke Mangte Hein

Mangte Hein Un K Mangte Hein Mangte Hein

 

Mangte Khaali Haath Na Lotay, Kitni Mili Khairat Na Poocho

Un Ka Karam Phir Un Ka Karam Hai, Un K Karam Ki Baat Na Pocho

Un Ke Mangte Hein Un Ke Mangte Hein

 

Mangte Hein Karam Un Ka Sada Maang Rahay Hein

Din Raat Madinay Ki Dua Maang Rahay Hein

 

Kam Maang Rahay Hein Na Siva Maang Rahay Hein

Jaisa Hai Ghani, Waise Ataa Maang Rahay Hein

Mangte Hein Karam Un Ka Sada Maang Rahay Hein

 

Jaisa Hai Ghani

Aisa Hai Ghani Woh To Aisa Hai Ghani

Khud Bheek De Aur Khud Keh Mangte Ka Bhala Ho

 

Zara Unka Dunya Mein Rehna To Daikho

Woh Pathar Ka Tak’kia Aur Kaali Kamarya

Woh To Aisa Hai Ghani

 

Zamane Ka Data Magar Ghar Mein Faqa

Khudai Ka Malik Magar Pait Khaali

Woh To Aisa Hai Ghani

 

Koi Mere Mehboob Sa Dunya Mein Nahi Hai

Betha Hai Chata’ii Pay Magar Arsh-e-Nasheen Hai

Woh To Aisa Hai Ghani

 

Jaisa Hai Ghani Waise Ataa Maang Rahay Hein

Mangte Hein Karam Un Ka Sada Maang Rahay Hein

 

Her Naimat-e-Qonain Hai Daman Mein Hamare

Hum Sadqa-e-Mehboob-e-Khuda Maang Rahay Hein

Mangte Hein Karam Unka Sada Maang Rahay Hein

 

Yoon Kho Ga’ay Sarkaar Ke Altaf-o-Karam Mein

Yeh Bhi To Nahi Hoosh Ke Kia Maang Rahay Hein

Mangte Hein Karam Unka Sada Maang Rahay Hein

 

Ey Dard-e-Mohabbat Abhi Kuch Aur Fusuun Ho

Dewanay Tarapnay Ki Ada Maang Rahay Hein

Mangte Hein Karam Unka Sada Maang Rahay Hein

 

Sirkar Ka Sadqa Meri Sarkar Ka Sadqa

Yeh Zameen Aasmaan Yeh Makaan LaMakaan

Meri Sarkaar Ka Sadqa

 

Dono Jahaan Ka Noor Mohammad Ke Roop Mein

Qur’an Ka Sha’oor Mohammad Ke Roop Mein

Allah Ka Zahoor Mohammad Ke Roop Mein

 

Such Hai Ke Yeh Taghayyur-e-Dunya Khuda Se Hai

Laikin Yeh Kainaat Faqat Mustafa Say Hai

Meri Sarkaar Ka Sadqa

 

Sirkaar Ka Sadqa Meri Sarkaar Ka Sadqa

Mohtaaj-o-Ghani Shah-o-Gada Maang Rahay Hein

Mangte Hein Karam Unka Sada Maang Rahay Hein

 

Ub Laaj Tere Haath Hai Ey Rehmat-e-Qounain

Ghum Ke Maarey Hein, Be-Sahare Hein

Kuch Bhi Hein Aaqa Hum Tumhare Hein

 

Ub Laaj Tere Haath Hai Ey Rehmat-e-Qounain

Mudfun Ko Madinay Mein Jaga Maang Rahay Hein

Mangte Hein Karam Unka Sada Maang Rahay Hein

 

Asraar Karam Ke Faqh Un Per He Khulay Hein

Koi Data Bana, Koi Khuwaja Bana, Koi Ghous Bana

Koi Dehli Mein Ja Ke Nizami Bana, Koi Ganj-e-Shakar Ba Khuda Ho Gaya

 

Asraar Karam Ke Faqt Un Per He Khulay Hein

Jo Tere Waseelay Say Dua Maang Rahay Hein

Mangte Hein Karam Unka Sada Maang Rahay Hein

 

Damaan-e-Amal Mein Koi Neki Nahi Khalid

Bus Naat-e-Mohammad Ka Sila Maang Rahay Hein

Mangte Hein Karam Unka Sada Maang Rahay Hein

 

Din Raat Madinay Ki Dua Maang Rahay Hein

Mangte Hein Karam Unka Sada Maang Rahay Hein

Mangte Hein Karam Unka