chashm-e-tar ka asar dekhte reh gaye by Faseeh Ud Din Soharwardi

chashm-e-tar ka asar dekhte reh gaye

un ko pesh-e-nazar dekhte reh gaye

 

bagh-e-janat ke jalwe nazar aaein ge

sabz gumbad agar dekhte reh gaye

 

aye noori farishte madeene mein jab

noor wale ka ghar dekhte reh gaye

 

rasta un ko dargahe haq tak mila

mustafa ka jo dar dekhte reh gaye

 

zikr un ka mudawa-e-ghum jab bana

mon mera charagar dekhte reh gaye

 

kaisi meraj bakhshi khuda ne hamein

un ke qadmoon pe sar dekhte reh gaye

 

jo mohabbat Muhammad se karte hain

dil mein rab ka guzar dekhte reh gaye

 

shehr-e-tayba ki har ik gali mein riyaz

khuld ki rahguzar dekhte reh gaye