Shah Saware Karbala ki Shah Sawari ko Salam by Abdul Rauf Rufi

Shah Saware Karbala ki Shah Sawari ko Salam
Neze pe Qur’an padne wale Qari ko Salam
Raat Din bichhde huon ki raah mein rehna khade
Hazrate Sugran Tumhari intezari ko Salam
Shah Saware Karbala ki Shah Sawari ko Salam
Neze pe Qur’an padne wale Qari ko Salam
Raat Din bichhde huon ki raah mein rehna khade
Hazrate Sugran Tumhari intezari ko Salam
Sar se Chadar chhin gayi lekin nazar eththi nahin
Hazrate Jainab Tumhari Parda-dari ko Salam
Muskurate teg pe roshan kiya rangin charag
Aqbaro Kasim Tumhari jaan-nisari ko Salam

Kat gaya kumba musibat sar pe aayi lut gayi
Ho gayi Bhai Bhatijon se judai lut gayi
Umar bhar ki daset gurbat mein kamai lut gayi
Roke jab kehti thi Jainab haaye bhai lut gayi
Ghar Ali ka kya luta sari khudai lut gayi

Har Imtihan mein Shabiro Shakir rahe Husain
Kohe Alam uthane ko hazir rahe Husain

Dhoke se kufiyon ne bula kar sitam kiya
Mehman be-watan ko bula kar sitam kiya
Khema lagana naher pe Ahmad ki aal ka
Pani bhi band kar diya Zahra ke laal ka
Lashon ko bhanjon ki lahu mein sajake laaye
Tute hue bahisht ke taare uthake laaye
Aaya kisi ko paas na roohe Rasool ka
Ghul kar diya charag Mazare Batul ka

Dastar hai Husain ke sar pe Rasool ki
Thi maut bhi kabool to esi kabool thi
Chahere pe jiske Maula Ali ka jalal hai
Kabze mein jiske Bhai Hasan ka kamal hai
Mein kya kahun mein kaun meri kya majal hai
Sab jaante hein Fatima Zahra ka laal hai

Chehra Rasool ka labo lehja Rasool ka
Aankhon mein khinch raha hai sarapa Rasool ka

Shah Saware Karbala ki Shah Sawari ko Salam
Neze pe Qur’an padne wale Qari ko Salam

 

 

Leave a Reply

Your email address will not be published.